„შენ მისთვის საუკეთესო მაგალითი ხარ, შეწყვიტე მოწევა!“

31 მასი თამბაქოსთან ბრძოლის საერთაშორისო დღეა. ამ თარიღთან დაკავშირებით, სააფთიაქო ქსელმა ,,ავერსი’’ და ბრენდმა ,,ტაბექსი’’ ერთობლივი ვიდეორგოლი მოამზადეს, რომლის მთავარი მესიჯი შემდეგნაირად ჟღერს – „შენ მისთვის საუკეთესო მაგალითი ხარ. შეწყვიტე მოწევა!“

ვიდეორგოლი ხაზს უსვამს მწეველი მშობლის შესაძლო უარყოფით გავლენას შვილზე და ეყრდნობა საკმაოდ შემაშფოთებელ სტატისტიკას – 2005 წელს, თბილისში ჩატარებული კვლევის მიხედვით, ბავშვების 87.7% – პასიური მოწევის გავლენის ქვეშაა, საქართველოში სკოლის მოსწავლეების 22,1% მწეველია, ყოველი მოწეული სიგარეტი ცხოვრების ხანგრძლივობას 5 წუთითა და 30 წამით ამცირებს, 5 ღერი სიგარეტი იმ რაოდენობით ნიკოტინს შეიცავს, რომელსაც ადამიანის მოკვლა შეუძლია, ხოლო ყოველი 10 მოზრდილი ადამიანიდან ერთის სიკვდილის მიზეზი თამბაქოს მოხმარებაა. ვიდეორგოლზე სარეკლამო სააგენტო „ედვენმა“ იმუშავა.